ՄԻՋՈՑԱՌՈՒՄ

ԱՅՑԵԼՈՒԹՅՈՒՆ   ԺԱՄԱՆԱԿԱԿԻՑ   ԱՐՎԵՍՏԻ    ԹԱՆԳԱՐԱՆ

Դպրոցի  սաները   սեպտեմբերի   4-ին    մասնակցեցին   կապանցի  գեղանկարիչ

Արմեն  Գասպարյանի  գրաֆիկական  աշխատանքների ,,Դանթեի  աստվածային  կատակերգություն,,  նկարաշարքից  անհատական   ցուցահանդեսին:

Ցուցահանդեսն  ունեցավ  նաև  ճանաչողական  նշանակություն,  քանի  որ   լսվեցին  նաև  Դանթեի  ,,  Աստվածային  կատակերգության,,  թեմային  առնչվող մեկնաբանություններ:

Այցելությունը   գեղագիտական  դաստիարակություն  և  էսթետիկական   ճաշակ  ձևավորելու   լուրջ   փորձ  էր:

ԳԻՏԵԼԻՔԻ ՕՐԸ ԹԻՎ 8 ՄԻՋՆԱԿԱՐԳ ԴՊՐՈՑՈՒՄ

       Ջերմագին շնորհավորանքներ , ուրախ ու երջանիկ գրկախառնություններ:
Դպրոցի տնօրեն Գ.Հարությունյանի շնորհավորանքներով սկսվեց ուսումնական տարվա առաջին օրը:
Բակում տոնախմբություն էր: 8 առաջին դասարանցիներ ընդունեց իր գիրկն այս տարի մեր դպրոցը:Փոքրիկների ավագ ընկերները ՝ դպրոցի 12-րդցիները նվերներով ու մեծ սիրով շրջապատեցին նրանց և հենց առաջին պահից փոքրիկներն իրենց դասվարի և 12-րդցիների հետ ուրախ ու վստահ մտան տոնականորեն զարդարված իրենց դասարանը:
Դպրոցի տնօրենի կողմից հանձնվեցին ուսումնական տարվա գերազանցիկների,<<Կենգուրու>> և <<Մեղու>> միջազգային մրցույթների հաղթողների  դպրոցի կողմից պատրաստված բարձր միավորներով աշակերտների պատվոգրերը: Գ. Հարությունյանը <<Դպրոցի պատվավոր անդամի>> հավաստագրեր հանձնեց նաև դպրոցի երկու վաստակաշատ ուսուցչուհիներին՝ Համեստ Հասրաթյանին և Սվետլանա Գասպարյանին:     Ծափահարություններով ու ջերմագին շնորհակալություններով դպրոցի աշակերտներն ու մանկավարժները ճանապարհեցին նրանց վաստակած հանգստի:
2017-2018 ուստարվա ուսումնադաստիարակչական աշխատանքները բարձր մակարդակով կազմակերպելու համար.
.  կրտսեր դպրոցում <<լավագույն դասվար>> ճանաչվեց Գայանե Ավագյանը,
.  միջին դպրոցում <<լավագույն դասղեկ>>՝  Վարսենիկ Սարգսյանը,
.  ավագ դպրոցում <<լավագույն դասղեկ>>՝ Միլիան Բոյաջյանը,
.  <<լավագույն ուսուցչուհի>>՝ Սաթինե Հարությունյանը,որոնք պարգևատրվեցին պատվոգրերով:
Այնուհետև <<Գիտելիքի օրվա >> դասեր կազմակերպվեցին դասղեկական դասարաններում:

 

1-3-ՐԴ ԴԱՍԱՐԱՆԻ ԱՇԱԿԵՐՏՆԵՐԻ ԱՅՑԸ ԿԱՊԱՆԻ ԷԼԵԿՏՐՈՆԱՅԻՆ ԳՐԱԴԱՐԱՆ

Մայիսի 21-ին Կապանի թիվ 8 միջնակարգ դպրոցի 1-3-րդ դասարանի աշակերտները այցելեցին Կապանի էլեկտրոնային գրադարան: Գրադարանի աշխատակիցները ջերմորեն ընդունեցին աշակերտներին իրենց աշխատավայրում: Աշխատակիցները համբերատարությամբ բացատրեցին էլեկտրոնային գրադարանում տեղ գտած գրքերի ցանկը,տվեցին մեկնաբանություն, թե ի՞նչ է էլեկտրոնային գրադարանը և ինչպե՞ս է աշխատում: Նրանք հետաքրքրությամբ և մեծ ոգևորությամբ էին նայում գրադարանի դարակում տեղ գտած ամեն մի գրքի, ուշադրությամբ դիտում մեծադիր նկարները և անհրաժեշտության դեպքում հարցեր տալիս: Մանկական սրահում աշակերտները արտասանեցին գրքի, գրադարանի մասին բանաստեղծություններ, ասույթներ , ասացվածքներ: Այնուհետև դիտեցին Հովհ. Թումանյանի <<Քաջ Նազարը>>, գուշակեցին հանելուկները, երգեցին ազգային երգեր և պարեցին:
Առողջ մթնոլորտում և հաճելի միջավայրում փոքրիկները անցկացրեցին իրենց ժամանակը:

 

Հայության ապաստան՝ մեսրոպյան այբուբեն

2018 թվականի ապրիլի 25-ին Կապանի թիվ 8 միջնակարգ դպրոցում տեղի ունեցավ այբուբենի տոն՝<<Հայության ապաստան՝ մեսրոպյան այբուբեն>> խորոգրով։

Գեղեցիկ զարդարված բեմում ելույթ էին ունենում 8 ամիս առաջ  դպրոցի  շեմին ոտք դրած  թոթովախոս  մանուկները:Ներկա  գտնվող  հյուրերը մտովի տեղափոխվեցին 5-րդ դար , երբ Մաշտոցը Սահակ Պարթևի և Վռամշապուհ արքայի աջակցությամբ  ստեղծեց հայոց  տառերը, որոնք հետագայում  դարձան  հայ ժողովրդի  լինելության  և պահպանման զինվորները:Աշակերտները իրենց ասմունքով  , պարով , բեմադրությամբ , հայոց գրերին նվիրված երգերով վկայեցին , որ գրաճանաչ են  և պատրաստ են  իրենց գիրը սերտելու ՝ պահպանելու  մշակույթը , ճանաչելու   և հպարտանալու  իրենց նախնիների  սխրանքներով  ու սերունդներին թողած դասերով  ու խորհուրդներով :

Հայրենասիրական  և նորարար  մտահղացումների շնորհիվ աշակերտները հավուր պատշաճի ներկայացրին իրենց գիտելիքները, հրաժեշտ տվեցին իրենց առաջին գրքին`  <<Այբբենարանին>>, որը, իրավամբ, գիտության դռները բացելու առաջին ու ամենակարևոր բանալին է: Նրանք համոզված են , որ գրքին  և գրականության կապող, մոտեցնող  միակ ճանապարհը այբուբենի հրաշք աշխարհն է։

Դասվար Անուշ Պողոսյանը   շնորհավորեց  իր սաներին ՝ մաղթելով  նորանոր  հաջողություններ  և  ձեռքբերումներ  ուսման մեջ :

Վերջում դպրոցի տնօրեն Գ. Հարությունյանը  հանդես եկավ  շնորհակալական խոսքով,շնորհավորեց հինգ առաջին դասարանցիներին՝ շնորհելով նրանց գրաճանաչության վկայագրեր։