ՀԱՑԻ  ՏՈՆ  ԴՊՐՈՑՈՒՄ

ՀԱՑԻ  ՏՈՆ  ԴՊՐՈՑՈՒՄ

Փետրվարի  9-ին    դպրոցի  3-րդ  դասարանում  դասղեկի  բաց  դասը  վերածվեց  միջոցառման,  տոնի`  նվիրված հացին  հանապազօրյա: Միջոցառումն  սկսվեց  տերունական  աղոթքով:  Դասվար  Ա.  Ստեփանյանը  ներկայացրեց  հացը  որպես  սրբություն.,<<Իզուր  չէ  ասված  էս  հացը  վկա.  խնայենք  սուրբ  հացը…>>:  Միջոցառումն  ուղեկցվում  էր  ազգագրական  երգ  ու  պարով:Դասարանում  ազգային  կոլորիտ  էր: Երեխաները  մեկը  մյուսին  հաջորդելով  ներկայացրին  լավաշի  պատմությունը , լավաշի  արտադրությունն  սկսած արտը  հերկելուց,  ցորենի  հատիկից  մինչև  լավաշ:Հնչեցին  ավանդազրույցներ  լավաշի  մասին,  դարձվածքներ և  ասացվածքներ:<< Հաց  ունես` ամեն  ինչ  ունես>> , <<Կուզես  ճանաչել  մարդուն` հետը  հաց կտրի>>…

Ուսուցչուհին  ամփոփելով  դասը,  դիմեց  երեխաներին, թե  ինչ  տվեց  այն  իրենց  և  հնչեցին.

Հացի  նկատմամբ  լինենք  խնամքով,   սրբությամբ  վերաբերվենք  հացին,   փշրանքներն   անգամ  պահենք  թռչուններին…  Եվ  ահա  վերջին  ելույթը`  երգ  ու  պար`<<Հոպա  զարկե  ու  քելե>>:

ՀԱՅՈՑ  ԲԱՆԱԿԻ  ՏՈՆԸ  ԹԻՎ  8  ԴՊՐՈՑՈՒՄ

ՀԱՅՈՑ  ԲԱՆԱԿԻ  ՏՈՆԸ  ԹԻՎ  8  ԴՊՐՈՑՈՒՄ

2018թ-ի   հունվարի  29-ին  Կապանի  թիվ  8 դպրոցում   տոնական  տրամադրություն  էր:  Տոնում  էին  Հայոց  բանակի  տարեդարձը: Միջոցառմանը  մասնակցում  էին  դպրոցի  5-10-րդ  դասարանի  աշակերտները:Դահլիճում  էին   դպրոցի   աշակերտները,  ուսուցիչներ,  ծնողներ:  Տոնի  կապակցությամբ  շնորհավորական  խոսքով  հանդես  եկավ  պատմության  ուսուցչուհի  Հ.Հասրաթյանը: Միջոցառումն  սկսվեց Տիգրան  Մեծի  և  հայ  մարդու  հանդիպումով,  որտեղ  արքան ետ  էր  պահանջում իր  ստեղծած ծովից  ծով Հայաստանը :Դրվագն  ավարտվեց  հայ  մարդու խոստումով`  չկորցնել  երբեք  Արցախը:    Ներկայացվեցին   արցախյան  պատերազմի ,  քառօրյա  պատերազմի  հերոս  նահատակները:Երեխաները հնչեցնում  էին Հայոց  բանակին  նվիրված       հայրենասիրական    երգեր:                                                                    Տեսաֆիլմերում   պատերազմական  դրվագներ  էին ,  հայկական  բանակի  վերածննդին  նվիրված  երգ  ու  պարեր`  եզակի  կադրեր, որ  մարտական  գործողություններից  զատ  մեր  հերոսների  մարտական    ոգին,  նրանց անմնացորդ  նվիրվածությունն էին  արտահայտում  ազգին,  հայրենիքին,  համակելով  բոլորին  հայրենասիրական  ոգով:

ԱՍՏԾՈ   ՕԳՆՈՒԹՅԱՄԲ  ԵՎ  ՍՈՒՐԲ  ՍԱՐԳՍԻ  ԲԱՐԵԽՈՍՈՒԹՅԱՄԲ` ԲՈԼՈՐԻՆ  ՍԵՐ  ԵՎ ԵՐՋԱՆԿՈՒԹՅՈՒՆ

Հունվարի  27-ին  8-րդ  դպրոցի  11-րդ  դասարանում   դասղեկի  բաց  դաս  էր`  նվիրված   Սբ.  Սարգսի  տոնին:  Դասին   ներկա  էին  դպրոցի  8-12-րդ  դասարանի  աշակերտները,  դասղեկները,      փոխտնօրենները:   Դասղեկ   Մ.  Բոյաջյանը  ներկայացրեց  միջոցառման  ճանաչողական  բնույթն  ու  կարևորությունը   որպես  ազգային  տոն:

    Սուրբ  Սարգիս  փոխինդ  մերայ,

Այս  հինգ   օրս  հաց   չկերա…

Միջոցառումն   սկսվեց   պասից  և  շարունակվեց  խնդրանքով  Սբ.   Սարգսին.

          Գերագույն  պատվի   արժանացար`

   Բարեխոսելու  Բանն   Աստծուն,

                               Աղոթքի  ընդունող,  խնդրանքների կատարող

Արագահոս  Սուրբ   Սարգիս…

11-րդցիները  ներկայացրին  տոնը,  նրա  հետ  կապված  ծեսերն  ու   ավանդույթները:  Սուրբ     Սարգիսը  սիրահար  զույգերի  հովանավորն  էր   և  նրանք  երազանքների  ծառ  էին  զարդարել:  Վերջում   բաժանվեցին  աղի  բլիթները  և   դասղեկ  Մ.  Բոյաջյանը  հայտարարեց  հաջորդ  օրը  Սբ.  Մեսրոպ  Մաշտոց   եկեղեցում  տոնին  նվիրված  պատարագին  մասնակցելու  մասին:

 

 

 

Ամփոփելով << Մաթեմատիկա >>  առարկայի  տասնօրյակի  ուսումնասիրության  վերջին օրը՝ դասվար Ա.Պողոսյանը  կազմակերպեց դաս–միջացառում ՝ <<Թվերի աշխարհում >> խորագրով:

Դասը հագեցած էր  հետաքրքրաշարժ խնդիրներով , օրինաչափություններով  և  տրամաբանական վարժություններով: 1-ին դասարանի  աշակերտները  ակտիվորեն մասնակացեցին  և բացահայտեցին  իրենց  տրամաբանական ունակությունները ,իսկ վերջում աշակերտները հավելեցին , որ ցանկանում են  էլ  ավելի  խորացնեն   իրենց  գիտելիքները <<Մաթեմատիկա >> առարկայից , քանի  որ  <<Կրթության  իմաստը  ոչ  միայն  ստացած  գիտելիքների  քանակի  մեջ  է, այլև  դրանք  տեղին  և  լիարժեք  կիրառելու  մեջ>>…

Դեկտեմբերի   15-ին   դպրոցում  կայացավ  դասղեկի  բաց  դաս ,,Հայ առաքելական  եկեղեցու  հինգ

,,Տաղավար  տոները,,  խորագրով:  Միջոցառմանը  մասնակցում  էին  9-րդ  և  10-րդ  դասարանի  աշակերտները,  ուսուցիչներ,  դպրոցի  փոխտնօրենները:  Դասը  վարում  էր  10-րդ  դասարանի   դասղեկ  Մ. Ղոնյանը: Ուսուցչուհին  հայտարարեց,  որ  իր  դասարանի  աշակերտները  նախապես  կատարել են  հետազոտական  աշխատանք  և  կներկայացնեն  5  տաղավար  տոները:  Առջևում  քրիստոնյաների  համար  ամենակարևոր  տոնն է  և  նրանք  սկսեցին  ,,ՍՈՒՐԲ  ԾՆՆԴԻՑ,, , որն  ուղեկցվեց  ,,Հիսուսի  ծնունդը,,    տեսաֆիլմի  դիտումով :  Ընթերցվեց հատված  Նարեկացու ,, Տաղ  ծննդյան,-ից,:  ,,  Քրիստոս  ծնավ  և  հայտնեցավ,,  ու  պատասխան` ,, Մեզ  և  ձեզ  մեծ  ավետիս,,  —  հնչեցրին   10-րդցիները:  Այնուհետև  ներկայացրեցին  ,,  ՀԱՐՈՒԹՅԱՆ  ՏՈՆԸ,,  դիտեցին  նաև  տեսաֆիլմ, լսեցին  հատված  Ա.  Ստամբուլցյանի    ,, Խաչելություն,,-ից:Մեկը  մյուսին  հաջորդելով   մեծ  հետաքրքրությամբ  ներկայացրին  նաև  ,,ԽԱՂՈՂՕՐՀՆԵՔ,,-ը,  ,,ԽԱՉՎԵՐԱՑ,,-ը,  ,,ՎԱՐԴԱՎԱՌ,,-ը:  Մ.Ղոնյանը  հիշեցրեց  տաղավար  տոներին    հաջորդող  մեռելոցների  մասին, նշեց  նաև  30  թվի  խորհրդավորության  մասին` Հիսուսի  մարմինը  30  ժամ  մնաց  գերեզմանում,Ադամը  30  տարեկան  ստեղծվեց,  Հիսուսը  30  տարեկանում  մկրտվեց   և  մարդու  30-ամյա  հարություն  առնելու  մասին:

1 2 3