ԲԱՑ ԴԱՍ  ՔԻՄԻԱՅԻՑ  ՈՒԿԵ-ՈՎ 

ԲԱՑ ԴԱՍ  ՔԻՄԻԱՅԻՑ  ՈՒԿԵ-ՈՎ

Ապրիլի  9-ին   8-րդ  դասարանում  կայացավ   բաց դաս  քիմիայից ուսուցման  կոլեկտիվ  եղանակի ,,հասկացման  բերող  քարտերի ,, մեթոդիկայով` ,,Անօրգանական  նյութերի  դասեր,,թեմայից: Դասը  վարեց  քիմիայի  ուսուցչուհի  Ն. Ստեփանյանը:  Կազմվեցին  զույգեր  և  նա բացատրելով  եղանակի  առանձնահատկությունն  ու մեթոդիկայի էությունը,  բաժանեց  քարտերն  ու  սկսեցին  աշխատել  դրանցով: Քարտերում    ապահովված  էին  հարցերի  ու  առաջադրանքների ներքին  կապը: Ուսուցչուհուն  օգնում  էր  քիմիայի  և  կենսաբանության  ուսուցչուհի  Մ.Բոյաջյանը: Աշակերտները  հստակ  օգտվում էին  աշխատանքները  համակարգող  հաշվառման աղյուսակից և  չնայած  առաջին  փորձին,  դասը  կայացավ:

 

 

       ՄԱՅՐ ԻՄ  ԱՆՈՒՇ   ՈՒ  ԱՆԳԻՆ

ՄԱՅՐ ԻՄ  ԱՆՈՒՇ   ՈՒ  ԱՆԳԻՆ

 

Ապրիլի  7-ին  դպրոցի   տարրական  դպրոցի  սաները    մայրության  օրն  իսկական  տոնի  վերածեցին:  Դահլիճում  էին  նրանց  մայրիկները ,և  ինչպես  իրենք  արտաբերեցին`  իրենց  երկրորդ  մայրերը`  ուսուցչուհիները:  Երգերով,  պարերով  ու  զվարճալի  խաղերով  նրանք  շնորհավորեցին  նրանց:  Տոնական  տրամադրությանն  ավելացավ  նաև  հպարտությունը,  որ Վ.Վարդանյանի    հետևողական  աշխատանքի  արդյունքում  նրանք  բեմ  հանեցին  երկու  նոր  պար   ու  չորս երգ: Վերջում  շնորհավորանքներին  միացավ  դպրոցի  տնօրեն  Գ.  Հարությունյանը` երջանկություն  մաղթելով   մայրերին:

 

ՖՐԱՆԿՈՖՈՆ ԵՐԿՐՆԵՐԻ ԹԱՆԳԱՐԱՆՆԵՐ

ՖՐԱՆԿՈՖՈՆ ԵՐԿՐՆԵՐԻ ԹԱՆԳԱՐԱՆՆԵՐ

Ապրիլի   5-ին   դպրոցում կայացավ   Ֆրանկոֆոնիայի միջազգային  օրվան  նվիրված  հերթական   միջոցառումը` <<Ֆրանկոֆոն  երկրների  թանգարաններ>>:

Միջոցառումն  անցկացրեց  դպրոցի  հայոց  լեզվի  և  գրականության   ուսուցչուհի   Մ. Ղոնյանը: Միջոցառմանը  ներկա  էին դպրոցի   5-12-րդ  դասարանի  աշակերտները,  դասղեկները: Ներկայացվեցին   Ֆրանսիայի,Բելգիայի, Կանադայի,  Շվեյցարիայի, Լաոսի  թանգարանները:

Տեսաֆիլմերը  մեկը  մյուսին  հաջորդելով  դասական  երաժշտության  երանգներով  աշակերտներին  պատմեցին  Ֆրանսիայի Լուվրի ,  Ռոդենի , Պիկասսոյի  թանգարանների,  Վերսալի  պալատի  մասին, Բելգիայի  Ռուբենսի  տան, Աշտարակ  Իզերի  վրա,  Կանադայի  Օնտարիոյի  թագավորական  թանգարանի, Շվեյցարիայի  Բազելի  երաժշտական թանգարանի,  Լաոսի  <<Բուդդա  պարկի>>  մասին:  Ցուցադրություններն   ուղեկցվում  էին  Մ.  Ղոնյանի  հետաքրքիր  և  ուսանելի  մեկնաբանություններով :   Դահլիճում  Ֆրանսիայի, ֆրանկոֆոն   երկրների  հարուստ  մշակութային  կոլորիտն  էր,  և  միջոցառումը  տվեց  կուլտուր —  մշակութային  դաստիարակություն:

Հայ  արվեստի  գործիչները շարքից՝  Հայ  կոմպոզիտորներ

Հայ  արվեստի  գործիչները շարքից՝  <<Հայ  կոմպոզիտորներ>>

Մարտի  23-ին   թիվ  8  դպրոցի  5-րդ  դասարանում  դասղեկի բաց  դաս  էր՝ << Հայ  կոմպոզիտորները>>  խորագրով: Միջոցառումն  սկսվեց Արամ  Խաչատրյանի  վալսի  ներքո : Դասղեկ Վ. Սարգսյանը ներկայացրեց դասի նպատակները և իրար  հաջորդելով  հինգերորդցիները   հակիրճ  ներկայացրին Կոմիտասին, Սայաթ-Նովային,  Ռ.  Մելիքյանին, Արմեն  Տիգրանյանին,  Տիգրան  Չուխաջյանին:

Միջոցառման  երկրորդ  մասը  նվիրված  էր  Արամ  Խաչատրյանին: Աշակերտները  ներկայացրին  Արամ  Խաչատրյանի  կենսագրությունն  ու  ստեղծագործական   գործունեությունը,  դիտեցին  տեսաֆիլմ  նրա  մասին  ու  քննարկեցին:  Վերջում  երգեցին  երգչախմբային  հատված  Արմեն  Տիգրանյանի  <<Անուշ>>  օպերայից:

ԴԱՍՂԵԿԻ   ԲԱՑ ԴԱՍ `  ՄԵՆՔ   ԳԻՏԵՆՔ  ՖՐԱՆԿՈՖՈՆԻԱՅԻ   ՊԱՏՄՈՒԹՅՈՒՆԸ.

ԴԱՍՂԵԿԻ   ԲԱՑ ԴԱՍ `  <<ՄԵՆՔ   ԳԻՏԵՆՔ 

ՖՐԱՆԿՈՖՈՆԻԱՅԻ   ՊԱՏՄՈՒԹՅՈՒՆԸ.>>

 

Մարտի  22-ին  8-րդ  դպրոցի  8-րդ   դասարանի  աշակերտները   դասղեկ  Թ.  Ստեփանյանի  գլխավորությամբ   հանդես  եկան  դպրոցում  կազմակերպվող   ֆրանկոֆոն   միջոցառումներից  ևս   մեկով`  <<Մենք   գիտենք  ֆրանկոֆոնիայի  պատմությունը>>:

Միջոցառումն  սկսվեց   Ժան  Դրեժակի   մեղեդիների  ներքո :  Ընթացքում   հնչեցին  նաև  Էդիտ  Պիաֆի  կատարումներից,  ինչպես  նաև  Շառլ  Ազնավուրի  <<Քեզ  համար ,  Հայաստան>>-ը ` ֆրանսերենով:

Կատարված   հետազոտական   աշխատանքների  արդյունքում  8-րդցիները   կարողացան  ներկայացնել  Ֆրանկոֆոնիայի  Միջազգային  կազմակերպության  պատմությունը  հիմնադրման  օրից  մինչև  մեր  օրերը:  Անդրադառնալով Ֆրանկոֆոնիայի  գագաթնաժողովներին,  նրանք  կարևորեցին  Հայաստանում   2018թ-ին   անցկացվող   17-րդ  գագաթնաժողովը,  մեկնաբանեցին   կարգախոսը`<<Ապրել  միասին>>, որն  ընտրված  է  հայկական  ոգուն  համահունչ, որով  ներկայանում  ենք  որպես  համամարդկային  արժեհամակարգի  կրող  պետություն:  Կարևորեցին  նաև  ՖՄԿ-ի  մասնակցությունը   Լեռնային  Ղարաբաղի   հակամարտության   խաղաղ  լուծման  հարցում:

 

 

ԲԱՑ ԴԱՍ-ՄԻՋՈՑԱՌՈՒՄ` ԶԱՆԳԵԶՈՒՐԻ ԴԺՆԴԱԿ ՏԱՐԻՆԵՐԸ.

ԲԱՑ  ԴԱՍ-ՄԻՋՈՑԱՌՈՒՄ`  <<ԶԱՆԳԵԶՈՒՐԻ   ԴԺՆԴԱԿ  ՏԱՐԻՆԵՐԸ.>>

Մարտի  21-ին  Կապանի  8-րդ   դպրոցում  տրվեց  Հայաստանի  հանրապետության  և Մայիսյան  հերոսամարտերի  100-ամյակին  նվիրված  միջոցառումների  մեկնարկը: Դաս-միջոցառումը  կազմակերպվեց  9-րդ  դասարանում : Հայոց  պատմության  ուսուցչուհի   Հ.  Հասրաթյանը  դասն  սկսեց  մայիսյան  հերոսամարտերով` Սարդարապատ,                    Բաշ-Ապարան,Ղարաքիլիսա :  9-րդցիները  ներկայացրին  հերոսամարտերը,  հայրենի  եզերքներն  օտարների  լծից  թոթափելու  ժողովրդի  միասնականությունը, նրա  հայրենասիրական  ոգին:

Ապա ուսուցչուհին ներկայացրեց Զանգեզուրի գոյամարտը 1918-1919թթ: Անդրադարձան այն գործիչներին, որոնք ունեցել են իրենց դերը այդ պայքարում : Առանձնակի ներկայացվեց Սմբատ Մելիք — Ստեփանյանի կյանքը , գործունեությունը , նպատակ ունենալով աշակերտներին իրազեկ դարձնել , որ Կապանը ունեցել է նման գործիչ, որով պետք է հպարտանալ:

Ամփոփելով  դասը   9-րդցիների  հետ, մեջբերվեցին  նաև  Սմբատ Մելիք — Ստեփանյանի  խոսքերը `  լինել  անխնա  դիմադրողների  նկատմամբ,  ասպետ  կանանց  ու երեխաների նկատմամբ,որը  հետևում  էր   Գեղվա  ձորում  2000  հայ  կանանց  ու  երեխաների  սպանության  փաստից:

Մերօրյա  պայքարը  նույն  արմատներն  ունի  և  ազգապահպան  մտածելակերպը  նաև  եկող  սերունդների  խնդիրն  է:

 

 

ԲԱՑ  ԴԱՍ —   ԴԵՐԱՅԻՆ  ԽԱՂ   ԹԻՎ  8 ԴՊՐՈՑԻ   10-ՐԴ  ԴԱՍԱՐԱՆՈՒՄ   ՐԱՖՖՈՒ ՍԱՄՎԵԼ ՎԵՊԻ  ՄՈՏԻՎՆԵՐՈՎ

ԲԱՑ  ԴԱՍ —   ԴԵՐԱՅԻՆ  ԽԱՂ   ԹԻՎ  8 ԴՊՐՈՑԻ   10-ՐԴ  ԴԱՍԱՐԱՆՈՒՄ   ՐԱՖՖՈՒ  <<ՍԱՄՎԵԼ>>  ՎԵՊԻ  ՄՈՏԻՎՆԵՐՈՎ

 

Մարտի  13-ին  8-րդ  դպրոցի  10-րդ  դասարանում   բաց  դաս  էր`  Րաֆֆու  <<Սամվել>>  վեպի  մոտիվներով:Դասալսմանը  ներկա  էին  ուսուցիչներ,աշակերտներ, փոխտնօրենները: Դասարանը  կահավորված  էր  դատական  դահլիճի  տեսքով:  Ընթանում  էր  դատավարություն,  և   մեղադրյալի  աթոռին  ծնողասպան  Սամվելն  էր: Նիստի  քարտուղարն  ու  դատավորը  բացեցին  դատական  նիստը: Մեղադրողը  ներկայացավ  մեղադրական  ճառով ,  դատապաշտպանը  իր  պաշտպանական  ելույթով:  Ընթացավ   ամբաստանյալի  հարցաքննությունը,  լսեցին  վկաների  ելույթներն,  ապա դատարանը  նրկայացավ  արդարացման  վճիռով:

Դատական  նիստի  ավարտից  հետո  ուսուցչուհի  Մ.  Ղոնյանը  հարցերով   աշակերտներին  ու  ներկաներին  բերեց  բուռն  քննարկումների  դաշտ,  որտեղ  հիմնականում  հարցերն  ուղղվեցին  Սամվելին` << Մերօրյա  Սամվելին>>: Հարցեր`,, Կդիմի՞  ծնողասպանության  մեր  ժամանակներում՝  հանուն  հավատքի, հանուն  ազգի,, , ,,Ինչի՞  են  ընդունակ  <<Մերօրյա  սամվելները>> հանուն  հայրենիքի,,:    Դաս-դերային  խաղը ազգային- հայրենասիրական  դաստիարակության  լավագույն  փորձ  էր, բանավեճի  կանոններին   տիրապետելու  հերթական  քայլ:

 

 

ՖՐԱՆԿՈՖՈՆ ՄԻՋՈՑԱՌՈՒՄՆԵՐԻ ՄԵԿՆԱՐԿ

Մարտի 15  -ին   թիվ 8  դպրոցում   Հայաստանի  և  Ֆրանսիայի  օրհներգերի  ներքո    Ֆրանկոֆոնիայի  միջազգային  օրվան  նվիրված ,  ՀՀ Սյունիքի  մարզային  հանրակրթական  ուսումնական  հաստատություններում  նախատեսված  միջոցառումների  համատեքստում  տրվեց շարքի    մեկնարկը: Ընթերցվեց նախագահ  Սերժ  Սարգսյանի  շնորհակալական  ուղերձը  գագաթնաժողովը  Հայաստանում  անցկացնելու  կապակցությամբ, որտեղ նա   մասնավորապես  նշեց  նաև  մեր  երկրի  Կազմակերպությանը  անդամակցության տասնամյակը  տոնելու  փաստը:

Ֆրանսահայ  կոմպոզիտոր Միշել  Լեգրանի  հոգեթով   երաժշտության  ներքո  ուսուցիչներն  ու  դպրոցի  աշակերտները  ծանոթացան  Ֆրանսիայի   ու  Հայաստանի  տեսարժան  վայրերին ,  մեկ  անգամ  ևս  լսեցին  միամսյակի  շրջանակներում  իրենց  անելիքները    և  կարևորելով   Հայաստանի  պատկանելությունը  Ֆրանկոֆոն  տարածքին,  տեսան  իրենց որպես  ֆրանկոֆոն  արժեքները տարածող   շարժիչ  ուժի  մի  փոքրիկ  մասնիկ : Վերջում  դպրոցի  ՄԿԱ  գծով  փոխտնօրենը  հաջողություն  մաղթեց   կայանալիք  մրցույթի  կազմակերպիչներին  ու  ձևավորված  երեք  թիմերին:

 

ԽԱՂ-ՄՐՑՈՒՅԹ   ՖՐԱՆԿՈՖՈՆԻԱՅԻ   ՇՐՋԱՆԱԿՆԵՐՈՒՄ

ԽԱՂ-ՄՐՑՈՒՅԹ   ՖՐԱՆԿՈՖՈՆԻԱՅԻ   ՇՐՋԱՆԱԿՆԵՐՈՒՄ

 

Մարտի  15-ին թիվ  8  դպրոցում  կայացավ  մրցույթ`  <<Մենք  ճանաչում  ենք   ֆրանկոֆոն երկրները>>  խորագրով: Մրցույթն  ուներ  ճանաչողական բնույթ  և նպաստեց  աշակերտների գիտակցությանը,  որ  իրենք  էլ  են  պատկանում ֆրանկոֆոն  երկրների  շարքին  , որ   կարող  են  լինել ֆրանկոֆոն արժեքների տարածման շարժիչ  ուժի մի  մաս: Ներկայացրին ֆրանկոֆոն մյուս  երկրները:  Մրցույթն  ընթացավ   հինգ փուլով:  Մրցույթը վարում  էր   միջոցառման   կազմակերպիչ, պատմության  ուսուցչուհի  Հ.Հասրաթյանը:  Ձևավորված  երեք  թիմերըը`<<Ֆրանսիա>>, <<Կանադա>>, << Շվեյցարիա>>  կատարել  էին  լուրջ  հետազոտական  աշխատանք   և լավագույնս  ներկայացրեցին  ինը ֆրանկոֆոն  երկրներին`  սկսած  օրհներգից  ու  դրոշից  մինչև  մշակույթ: Թիմերը  ձևավորվել  էին  8,9,11-րդ  դասարանների աշակերտներից: Հաղթող  թիմն  արժանացավ   պատվոգրի:

 

1 2 3 4 6