ԲԱՑ  ԴԱՍ- ՄԻՋՈՑԱՌՈՒՄ ` ՄԵՐ  ՄԵԾԵՐԸ  ՇԱՐՔԻՑ`  ՀԱԿՈԲ  ՊԱՐՈՆՅԱՆ

ԲԱՑ  ԴԱՍ-ՄԻՋՈՑԱՌՈՒՄ ` << ՄԵՐ  ՄԵԾԵՐԸ  ՇԱՐՔԻՑ`  ՀԱԿՈԲ  ՊԱՐՈՆՅԱՆ>>

Մարտի  2-ին  8-րդ   դպրոցի   9-րդ  դասարանցիները   դասղեկ  և  հայոց  լեզվի  ուսուցչուհի  Ս.        Հարությունյանի  հետ  ներկայացրին  հայ  երգիծական  գրականության  ականավոր  ներկայացուցիչ,  երգիծաբանական  ազգային   դպրոցի  հիմնադիր Հակոբ  Պարոնյանին:

Հանճարեղ  երգիծաբանի  ծննդյան  175-ամյակի  կապակցությամբ  9-րդցիները   պատրաստել  էին  պաստառ  և  իրենց  կատարած  հետազոտական  աշխատանքների  արդյունքում  ներկայացրին  նրա  կենսագրությունը,  ստեղծագործությունները:  Նշելով,  որ  Հակոբ  Պարոնյանն  իր  գրական գործունեությունն  սկսել  է  թատերգությամբ,  տվեցին  նրա  դրամաների  թողած  հզոր  ազդեցության  ու  մշտապես  ազգային  թատրոնի  խաղացանկում  գտնվելու  փաստը:  Հստակ  պատկերացնելով  իրականության  երգիծական –գեղարվեստական  արտացոլումն  ու  գնահատումը  գրողի  ստեղծագործություններում` նրանք  կարողացան նոր   ժամանակների   արատավոր  բարքերն  ու  սովորույթները  տեսնել  և  քննադատել, մեծ կարևորություն  և  հետաքրքրություն  տեսնելով  նրա  դրամաներ . <<Երկու  տերով  ծառա  մը>>,  <<Ատամնաբույժն  արևելյան>>,  <<Պաղտասար  աղպար>>-ում  և  << Մեծապատիվ  մուրացկանները>>  վեպում:

Նրանցում  զավեշտը  ստանում է   սոցիալական  բովանդակություն:  Այստեղ  նյութական  շահով  ամուսնությունն է,  ի  ցույց  է  տրված ապազգայնացված  ստահակների  խեղկատակությունը, կերպարները  հանդես  են  գալիս  որպես  միջոց  ու  նպատակ`  հասարակական  կյաւնքի  արատավոր  հարաբերությունները  մերկացնելու:  Նրանք  կատարեցին  նաև  մեջբերումներ  գործերից`  արևելահայերենով:

ԲԱՑ-ԴԱՍ`  ՆՎԻՐՎԱԾ   ՀՈՎՀԱՆՆԵՍ    ԱՅՎԱԶՈՎՍԿՈՒՆ

ԲԱՑ-ԴԱՍ`  ՆՎԻՐՎԱԾ   ՀՈՎՀԱՆՆԵՍ    ԱՅՎԱԶՈՎՍԿՈՒՆ

Փետրվարի   23-ին 8-րդ  դպրոցի  7-րդ  դասարանում  դասղեկի  բաց-դաս  էր`  նվիրված  հայ  մեծ   ծովանկարչին`  Հովհաննես  Այվազովսկուն:  Դասին  մասնակցում  էին  դպրոցի   5-րդ,  6-րդ  դասարանի  աշակերտներն  իրենց  դասղեկների  հետ,  փոխտնօրենները:  Դասղեկ  և  ռուսաց  լեզվի  ուսուցչուհի  Անահիտ Փարսադանյանը  դասն  աշակերտների  հետ  անցկացրեցին  ռուսերենով:Նրանք  ներկայացրին  Այվազովսկու  կենսագրությունը, ստեղծագործական  գործունեությունը: Ցուցադրվեցին  նկարչի  բազմաթիվ  գործեր,  վերլուծեցին  <<Արարում>>,  <<9-րդ  ալիք>>  գործերը: Վերջում  մասնակիցներին  բաժանվեցին  խճանկարներ   և  արդյունքում  ունեցան  նկարչի  դիմանկարը,  նրա  ծովանկարներից:

 

ԴԱՍ_ՄԻՋՈՑԱՌՈՒՄ   ԹՈՒՄԱՆՅԱՆԱԿԱՆ   ՇԱԲԱԹԻ    ՇՐՋԱՆԱԿՆԵՐՈՒՄ

ԴԱՍ_ՄԻՋՈՑԱՌՈՒՄ   ԹՈՒՄԱՆՅԱՆԱԿԱՆ   ՇԱԲԱԹԻ    ՇՐՋԱՆԱԿՆԵՐՈՒՄ

 

Փետրվարի   22-ին  թիվ 8  դպրոցի  8-րդ  դասարանում  դաս-միջոցառում  էր  հայ  գրականությունից` նվիրված  Հանճարեղ  Լոռեցուն`  Մեծն  Թումանյանին:

Լուրջ  հետազոտական  աշխատանքից  հետո  արդյունքում  ձևավորված   պաստառներն  էին, կախված  էին  ասույթներ,  մեջբերումներ  սիրված  ստեղծագործություններից :

Ուսուցչուհին  մեծ  նվիրումով   ներկայացրեց  Թումանյան   մեծությանը ,  նրա իսկ  ասույթներով  ջերմություն  սփռեց  և  աշակերտները խմբով   մեղմ  հնչեցրին  ,,Ամպի  տակից  ջուր  է գալիս,,:

Տեղերից   ներկայացրին   Թումանյանի   կենսագրությունը,  Թումանյանին՝  որպես  բազմաժանր  գրող,  ով  միայն  դրամաներ  չունի  գրած:  Եվ  ահա  պոեմները.  հատված  << Թմբկաբերդի  առումից>>, բալլադները.  հատված  <<Փարվանայից>>,  լեգենդները  և  քառյակները:Ներկայացնելով  քառյակների  հնչեղության  գեղեցկությունը՝  բերեցին  հանգավորման  տեսակներն  ու  դասարանից  չորսը  արտասանեցին  քառյակներից:

Այնուհետև   ուսուցչուհին  նշեց,  որ  երբեք  չի  կարելի  մոռանալ  Թումանյանի հեքիաթներն ու պատմվածքները, որոնք բարոյախրատական  մեծ  նշանակություն  ունեն  և  գլուխգործոցն  էլ  <<Գիքորն>> է:   Եվ  ահա  բեմադրվում  է  հատված  պատմվածքից:   Իսկ  վերջում  հիշեցվեց  Թումանյանի  ծննդյան  օրը՝  որպես  գիրք  նվիրելու  օր  և

8-րդցիները  սիրով  միմյանց  գրքեր  նվիրեցին:

 

Գիրք նվիրելու օր….

Փետրվարի 19-ը՝ ամենայն հայոց բանաստեղծ Հովհաննես Թումանյանի ծննդյան օրը դպրոցում հայտարարված էր գիրք նվիրելու օր : Դպրոցի աշակերտներն անմասն չմնացին իրար գիրք նվիրելու արարողությունից: Աշակերտների նախաձեռնությամբ նվիրված գրքերի մեծ մասը մնաց դպրոցի գրադարանային ֆոնդում:

ԴԱՍ-ՄԻՋՈՑԱՌՈՒՄ`  ՆՎԻՐՎԱԾ  ՀՈՎՀԱՆՆԵՍ  ԹՈՒՄԱՆՅԱՆԻՆ

ԴԱՍ-ՄԻՋՈՑԱՌՈՒՄ`  ՆՎԻՐՎԱԾ  ՀՈՎՀԱՆՆԵՍ  ԹՈՒՄԱՆՅԱՆԻՆ

Փետրվարի  19-ին   դպրոցի   2-րդ  դասարանի   աշակերտները դասվար  Գայանե  Ավագյանի  հետ  երկշաբաթյա  ,, հեքիաթի,,  թեման ամփոփեցին  Մեծն  Թումանյանին  նվիրված  դաս-միջոցառմամբ:  Այդ  օրը  բանաստեղծի  ծննդյան  օրն  է  և  նրանք  շուքով,  երգերով  ու  բեմականացումներով  տոնեցին   այն:  Դասարանում  թումանյանական  շունչն  էր:  Կախված էին  նրա  տուն-  թանգարանների  նկարները,  դրվագներ  սրահներից: Ներկայացված  էր   ,,Մեր  Մեծ  լոռեցին,,  ցուցահանդեսը. երեխաները  նկարել  էին   Թումանյանի  հեքիաթների  թեմաներով ,  էկրանին  մեկը  մյուսին  հաջորդում  էին կադրեր  էկրանավորված  ֆիլմերից,  այլ  գեղարվեստական  գործեր` թումանյանական  թեմաներով:

Եվ  ահա  բանաստեղծի  կենսագրության  հետաքրքիր   պահեր,  նրա  անզուգական   ստեղծագործությունները,  հեքիաթների  բեմականացումներ` ,, Սուտլիկ  որսկանը,, ,  ,,Կիկոսի  մահը,, , ,,Ծիտը,, ,  ,,Սուտասանը,, ,   և  կերպարներ  այլ  հեքիաթներից,  իսկ  այս  ամենն ուղեկցվում  էր  Թումանյանի   բանաստեղծություններով  գրված  երգերի  կատարումներով` ,,Կաքավիկ,,,  ,,Ամպի  տակից…,,,  ,,Ախ  ինչ լավ  է  սարի  վրա,,:  Վերջում  դասվարն  առաջարկեց   հետ  տալ  ժամանակի  անիվը և  դիմել  Թումանյանին:  ,,  Բարև   սիրելի  Հովհաննես  Թումանյան….,,  և  բոլոր  հարցերն  էլ  հեքիաթների  դրական  ու  բացասական  կերպարների  շուրջ:

      ՀԱՑԻ  ՏՈՆ  ԴՊՐՈՑՈՒՄ

ՀԱՑԻ  ՏՈՆ  ԴՊՐՈՑՈՒՄ

    Փետրվարի  9-ին    դպրոցի  3-րդ  դասարանում  դասղեկի  բաց  դասը  վերածվեց  միջոցառման,  տոնի`  նվիրված հացին  հանապազօրյա: Միջոցառումն  սկսվեց  տերունական  աղոթքով:  Դասվար  Ա.  Ստեփանյանը  ներկայացրեց  հացը  որպես  սրբություն.,<<Իզուր  չէ  ասված  էս  հացը  վկա.  խնայենք  սուրբ  հացը…>>:  Միջոցառումն  ուղեկցվում  էր  ազգագրական  երգ  ու  պարով:Դասարանում  ազգային  կոլորիտ  էր: Երեխաները  մեկը  մյուսին  հաջորդելով  ներկայացրին  լավաշի  պատմությունը , լավաշի  արտադրությունն  սկսած արտը  հերկելուց,  ցորենի  հատիկից  մինչև  լավաշ:Հնչեցին  ավանդազրույցներ  լավաշի  մասին,  դարձվածքներ և  ասացվածքներ:<< Հաց  ունես` ամեն  ինչ  ունես>> , <<Կուզես  ճանաչել  մարդուն` հետը  հաց կտրի>>…

Ուսուցչուհին  ամփոփելով  դասը,  դիմեց  երեխաներին, թե  ինչ  տվեց  այն  իրենց  և  հնչեցին.

Հացի  նկատմամբ  լինենք  խնամքով,   սրբությամբ  վերաբերվենք  հացին,   փշրանքներն   անգամ  պահենք  թռչուններին…  Եվ  ահա  վերջին  ելույթը`  երգ  ու  պար`<<Հոպա  զարկե  ու  քելե>>:

  

ՀԱՅՈՑ  ԲԱՆԱԿԻ  ՏՈՆԸ  ԹԻՎ  8  ԴՊՐՈՑՈՒՄ

ՀԱՅՈՑ  ԲԱՆԱԿԻ  ՏՈՆԸ  ԹԻՎ  8  ԴՊՐՈՑՈՒՄ

2018թ-ի   հունվարի  29-ին  Կապանի  թիվ  8 դպրոցում   տոնական  տրամադրություն  էր:  Տոնում  էին  Հայոց  բանակի  տարեդարձը: Միջոցառմանը  մասնակցում  էին  դպրոցի  5-10-րդ  դասարանի  աշակերտները:Դահլիճում  էին   դպրոցի   աշակերտները,  ուսուցիչներ,  ծնողներ:  Տոնի  կապակցությամբ  շնորհավորական  խոսքով  հանդես  եկավ  պատմության  ուսուցչուհի  Հ.Հասրաթյանը: Միջոցառումն  սկսվեց Տիգրան  Մեծի  և  հայ  մարդու  հանդիպումով,  որտեղ  արքան ետ  էր  պահանջում իր  ստեղծած ծովից  ծով Հայաստանը :Դրվագն  ավարտվեց  հայ  մարդու խոստումով`  չկորցնել  երբեք  Արցախը:    Ներկայացվեցին   արցախյան  պատերազմի ,  քառօրյա  պատերազմի  հերոս  նահատակները:Երեխաները հնչեցնում  էին Հայոց  բանակին  նվիրված       հայրենասիրական    երգեր:

Տեսաֆիլմերում   պատերազմական  դրվագներ  էին ,  հայկական  բանակի  վերածննդին  նվիրված  երգ  ու  պարեր`  եզակի  կադրեր, որ  մարտական  գործողություններից  զատ  մեր  հերոսների  մարտական    ոգին,  նրանց անմնացորդ  նվիրվածությունն էին  արտահայտում  ազգին,  հայրենիքին,  համակելով  բոլորին  հայրենասիրական  ոգով: