ՄՈՄԱՎԱՌՈՒԹՅՈՒՆ ԵՐԿՐԱՇԱՐԺԻ ԶՈՀԵՐԻ ՀԻՇԱՏԱԿԻՆ

Դեկտեմբերի  7-ին   8-րդ  դպրոցում  հիշատակվեցին  1988-ի  երկրաշարժի  զոհերը:  Հնչեցին

,, Ավե  Մարիա,, ,  ,,  Քեզ  համար  Հայաստան,, : Ընթանում  էր  4-րդ  դասաժամը    և  ահա  11.41-ին

հնչում  է  դպրոցական  զանգը`  երկար ,  ահազդու` նվիրված  զոհերի  հիշատակին ,   հիշեցնող

սարսափազդու  այն  օրերը:    Դպրոցի  աշակերտներն  ու  ուսուցիչները  կազմակերպված,  աղոթքները

շրթներին  մոտենում   են  մոմավառության  սեղանին  և  ընթանում  է  մոմավառություն՝  զոհերի

հիշատակին:  Նրանք  լսեցին  նաև    Սպիտակի  երկրաշարժի մասին  ԱԽ  նախագահ  Մարիամ   Մարտիրոսյանի  ելույթը  :

Դաս-միջոցառում ,,Ա ,, տառի ուսուցում

Հոկտեմբերի 16-ին թիվ 8 միջն. դպրոցի 1-ին դասարանցիները դասվար Ա. Պողոսյանի հետ իսկական տոնի վերածեցին  ,, Ա ,, տառի ուսուցման դասը:                                                   Դասարանի աշակերտները ,,Ա,, տառով սկսվող կենդանիների կերպարների մեջ էին:  Դաս- միջոցառումն սկսվեց դպրոցում  նրանց սովորելու ձգտումը գովերգող երգով: Նրանք դիտեցին ,,Ա,, տառը գովերգող տեսաֆիլմ և ուսուցչուհին անցավ տառի ուսուցմանը:                                     1-ին  դասարանցիները տարբերում էին ձայնավորներն ու բաղաձայները , տառը, բառը, նախադասությունը: Խաղային եղանակով կազմեցին նախադասություններ, գրեցին ,,Ա,, տառը գրատախտակին, հաշվեձողիկներով ,, Ա ,, տառ ձևավորեցին, քարտային աշխատանքով  ,,ա ,, տառերն ընդգծեցին և միասին հնչյունային վերլուծության ենթարկեցին: Վերջում ուսուցչուհին իր սաներին վկայականներ հանձնեց, իսկ ծնողներն էլ  <<Այբբենարանի ուղեցույց>> գրքերը նվիրեցին իրենց բալիկներին:

Հանճարն անգամ ուսուցիչ է ունեցել….

Հոկտեմբերի 6-ին թիվ 8 միջնակարգ դպրոցում նշվեց ուսուցչի տոնը: Միջոցառումն անցկացրին կրտսեր դպրոցի սովորողները:                                                                                                  Դեղնահեր ու գեղեցիկ աշունը գովերգող տողերում ծնվեց նրանց համար կարևոր աշնանային տոնի ներկայացումը,  ուսուցչի տոնի, տոն ՝  գովերգող և մեծարող ուսուցչին, նրա նվիրական աշխատանքը: Երեխաների երգն ու պարը տոնական շունչ հաղորդեց բոլորին:  Իսկ երբ բացեցին անակնկալների տուփը, ջերմությամբ համակեցին իրենց ուսուցիչներին: Այնտեղ պատվոգրեր էին ուսուցիչների համար՝ իրենց իսկ բնորոշմամբ: Վերջում ուսուցիչներին շնորհավորեց և պատվոգրեր հանձնեց դպրոցի տնօրեն՝ Գագիկ Հարությունյանը:

Իմ անկախ Հայաստան

Սեպտեմբերի 23-ին թիվ 8 դպրոցում նշվեց անկախության 26-րդ տարելիցը՝ <<Իմ անկախ Հայաստան >>խորագրով:                                                                                                  Հայրենասիրական երգն ու պարը միախառնվել էին հայրենիքը գովերգող բոցաշունչ տողերին: Միջոցառումը վերածվեց իսկական տոնախմբության՝ համակելով ներկաներին ազգային արժանապատվության, հայրենիքի նկատմամբ սիրո ու հպարտության զգացոմունքներով, սեփական երկիրը բարեկեցիկ ու հզոր տեսնելու տեսլականով:                                                               Շնորհավոր Անկախության տոն:

Բաց դաս նվիրված հայ մեծ գեղանկարիչ Մինաս Ավետիսյանին

Սեպտեմբերի 22-ին թիվ 8 դպրոցի 12-րդ դասարանում <<Հայ գեղարվեստի գործիչները>>շարքից անցկացվեց դասղեկի բաց դաս՝ նվիրված հայ մեծ գեղանկարիչ Մինաս Ավետիսյանին:Դասին ներկա էին նաև դպրոցի 10,11-րդ դասարանցիները,ուսուցիչներ:12-րդ դասարանցիները ներկայացրին Մինասի կենսագրությունը,վերլուծեցին Մինասի գեղանկարներն ու գրաֆիկական աշխատանքները:Անդրադարձ եղավ նաև Մինասի առեղծվածին:Բաց դասը մեկն էր այն շարքից,որը դպրոցի սաներին մոտեցնում է համադպրոցական միջոցառման՝ նվիրված հայ մեծ ծովանկարչի 200-ամյակին: